Жүжигчин А.Ганчимэг машины QR код авсан талаараа тайлбар хийжээ

Бүх нийтийн бэлэн байдал хэсэгчилэн тогтоосноос хойш 15 байгууллагын ажилчид хувийн унаагаар хөдөлгөөнд оролцохыг зөвшөөрсөн. Ингэхдээ тухайн 15 байгууллагын ажилчдад QR код бүхий зөвшөөрөл олгож байгаа. Гэтэл жүжигчин А.Ганчимэг Харилцаа холбоо, мэдээллийн технологийн газрын QR код бүхий зөвшөөрөлтэй автомашиныг жолоодон замын хөдөлгөөнд оролцсон тухай мэдээлэл хэвлэл мэдээллийн хэрэгслээр гарч эхлэв. Тэгвэл энэ талаар жүжигчин А.Ганчимэг өөрийн фэйсбүүк хуудастаа тайлбар хийжээ. Заа нэг тайлбар хэлэхгүй бол болохгүй нь бололтой…  Qr кодоор хөдлөгөөнд оролцсон гэсэн мэдээлэл яваад байна. Уг нь хөл хориог дахин чангатгаж хатуу дэглэм тогтоосон өдрөөс хойш нэг ч удаа гэрээсээ гарч, машинтай замын хөдөлгөөнд оролцож хаа нэг тийшээ яваагүй хүн байна аа. Төрийн байгууллагын код авсан гэж байгаа нь манай аавын машин миний нэр дээр байдаг юм. Аав ээждээ аваад нэрийг нь шилжүүлээгүй байсан. Тэр машиныг манай төрсөн дүү / Харилцаа холбоо мэдээллийн технологийн газарт ажилладаг/ өөрийнхөө ажилд унадаг юм. /ажлын газрынх нь үнэмлэхний зургийг орууллаа/ Түүнээс биш код аваад гадуур яваад байсан юм байхгүй ээ. Иргэний хувьд халдвар хамгааллын дэглэмийг маш сайн баримталж байгаа. Яг тодорхой бус мэдээлэл дээр юу юугүй л шуугиад, итгэдэгээ болиод жоохон шүүлтүүртэй хандвал зүгээр юмуу л гэж бодож байна даа 😕 Гэрээсээ огт гараагүй, машин тэрэг унаагүйг хот дүүрэн байгаа камер гэрчлэх байх өө 😁 хөгжилтэй ч юм шиг хөгтэй ч юм шиг юм боллоо энэ цаг үед бухимдуулсан бол уучлаарай 🙏 хэмээн бичжээ.